Best Blogger Tips

Monday 11 April 2011

Ibi Uding Jauh Alah Di Belakang Robert Dan

Kuching
Monday, 11th April 2011

Ari berita ti diterima ari bala SB, diatu Robert Dan tinggal 1 mata di belakang Snowdan lawan. Nya alai enti Ibi Uding tu nadai gila kuasa, dia iya deka nyerah ke bala ti nyukong iya ngagai Robert Dan awak ke oleh ngelaboh ke Snowdan Lawan.

Tu gaya sukong bala pengundi ngagai sida 6  iko ti minta dipilih baka ke taun tu.

Robert Dan : Kempen Di N25-Balai Ringin Part I

Kuching
Monday, 11th April 2011

Selamat Ngundi ngagai semua orang peranak menua Sarawak kelebih agi bala pengundi N25-Balai Ringin.
Nyadi udah saritu tinggal 4 ari da agi endor bala ti deka betanding tau kempen.
Nyadi baka Pengari kitai di N25-Balai Ringin ianya Robert Dan Giang, baka pengawa kempen udah digaga bebendar bemula ari ari enam tu tadia ianya kena 9 April 2011. Lalu baka menua ti kena tesau  YB Robert Dan enggau Tim ianya bakatu :-

Ari Keterubah - Saturday, 9th April 2011

(1) Miring - 2.00PM to 3.30PM


Tim ti bisi enggau Miring...


Robert Dan : Go to the Basic...Antara pengidup moden enggau bebasa ke adat lama


 Tim Masang poster ti betungkus lumus ngelekat ke poster..

(2) Di Sapak, Pantu


Robert Dan : Jako ti keterubah maia kempen ke sekalitu..

 Sekayu rumah orang Sapak ti bisi datai lalu madah ke diri deka ngundi Robert Dan


(3) Di Ipoh, Pantu

 Konvoi 6 iti 4 X 4 benong beranti di tengah jalai ngagai Ipoh...

Di Ipoh taja nganti penatai kami ari jam 12 tengahari, tang sida tetap sabar.


 YB Robert Dan enggau Tuai Rumah Masa...


Laban ti udah kelalu laun ianya nyau pukul 12.00pm, dia bala kami sebuat lalu bemalam di Ipoh Pantu.

Kati Baka Sukong Orang Sapak enggau Ipoh Pantu

Ari randau bala kami enggau bala pengundi ari Sapak enggau Ipoh, rata-rata tuai rumah enggau nembiak sida meri sukong penuh ngagai YB Robert Dan. lalu ari nama kebuah sida nyukong kami laban sida nadai rindu ke YB Snowdan Lawan ti sumbong, malas serta nadai mai pemansang ngagai menua sida.
Taja sida rumah panjai tu nadai tentu bisi nitih ke cerita ti ditulis di internet tang sida iya nemu pasal rumah sida ti nadai pemansang dibanding ke enggau pemaju kampong orang Laut di Malaya.
Lalu udah ke abis berandau ruai enggau bala ti bisi ngulu bala kami, dalam kandang jan 2.30AM dia kami sebuat lalu nindok ke diri. manah amat sambut TR Jais enggau nembiak iya, pia mega enggau TR kampong Sapak.
Taja tubuh lelak serta pedih, tang ati berasai gaga laban ke nerima sukong ke padu ari kedua iti buah rumah tu. Arap ke ati sida nadai kacau laban BOM orang BN.

Mupok Aku

Remaung6Renjer
11/4/2011 at 8.55PM

Friday 8 April 2011

N25-Balai Ringin Belaban Enam Sukut: Nama Kebuah Kini?

Kuching
Friday, 8th April 2011

N25-Balai Ringin tu sigi ari tiga sitak ti dipegai Sitak Parlimen P202-Sri Aman. Sitak tu mula ditumbuh ke dalam pengawa bepilih taun 2006. Nyadi orang ti keterubah nyadi pengari ba sitak N25-Balai Ringin tunya Snowdan Lawan udah iya ti ngalah ke Ibi Uding enggau Cobbold John Lusoi dalam pengawa bepilih taun 2006.
Nyadi maia bepilih ke sekali tu bisi enam iko sida deka belaban. Sida ti belabannya Snowdan Lawan (Barisan Nasional -PRS), Dan Giang (SNAP), Ibi Uding (PKR,  taun 2006 bediri ngari ke SNAP), Lipih Mawi (Parti Cinta Malaysia), Sujal Gansi (PERSB) enggau Cobbold Lusoi ari parti Bebas.

Nyadi nitih ke penerang ari opis SPR, N25-Balai Ringin tu bisi 8244 pengundi ti regista. lalu ari penyampau nya 86.7% pengundi Iban, Cina 8.5 %, Bidayuh 5.0 %, Melanau 0.2% enggau lain-lain bansa 0.01 %. 

Nama Kebuah maioh Amai Orang Belaban Ke Sekali Tu?

Ari penemu bala maioh ti bisi di dinga SNAP-N25BALAI RINGIN , dia sida bisi bekenang ianya ketegal  orang ti bediri di sitak N25-Balai Ringin ke sekali tu sampai enam iko, laban maioh pengundi di sitak tu nadai besetuju enggau Snowdan Lawan ti agi dipadu ke nyadi pengari dia. Ba penemu sida, sekumbang ke udah nyadi pengari di menua tu bepun ari pengawa bepilih taun 2006 suba sampai ke saritu, endang tak nadai bisi pemansang di bai iya ngagai menua tu.
Enti diperati ka, sebedau taun 2006, sitak N25-Balai Ringin  tu di antara tempat ti pemadu mundur di Sarawak. Saritu udah lebih kurang lima taun Snowdan Lawan nyadi pengari dia tang kandang menua tu endang agi meruan baka taun 2006 kelia endang NADAI PEMANSANG.
Ba penemu tauka ari peda sida iya Snowdan Lawan tu lebih mujur enti megai pengawa iya ke nyadi tuai Dayak Music Award DAMA, agipan  YB tu endang sigi rindu agi ke pengawa main musik,  ari ti nyadi ketuai rakyat ba sitak N25 Balai Ringin.

Enti Rakyat  Maioh Nadai setuju YB Tu Nyadi Pengari Sida tang nama kebuah maia ngantung nama kena 6 April 2011 tu tadi maioh amai penyokong (Ukai Pengundi  BN di Pantu ?

Maioh kebuah. Ari asil pansik kami, sekeda kebuah penyokong BN ti maioh ngenatai ke diri ngagai pengawa ngantung nama di Pantu kena 6 April 2011 tu tadi  nya bakatu :-

1. Keterubah laban deka meda pengerami. Agipan tu meh keterubah pasar Pantu tu nyadi tempat kena nganjung nama ke pengawa bepilih besai.

2. Deka boleh baju tauka topi free. Laban bisi bala ti ngenatai ke diri ngagai Pantu maianya madah ke diri bisi diberi BN baju enggau topi. Nya alai bala penyokong SNAP enggau PKR ti bisi ngenatai ke diri madah udah diberi orang baju enggau topi BN (Ambi anang enda kena tindok nyamai mai baju nya laban nipis !). Nya ti kebuah penyokong BN baka ke maioh!   

3. Ngarap ke Snowdan lawan bisi meri duit tau ke makai FREE. Nemu ajalah laban peruntukan BN ba pengawa bepilih raya tu endang besai. Dini sida bulih duit tau nanya Najib tauka Taib.

4. Laban diansak tuai rumah datai. Enti tuai rumah tu tadi dipeda enda oleh ngansak nembiak sida datai dia sida deka di anu Snowdan Lawan. Tauka enti sida empu nadai oleh datai..Abislah elaun RM 400 (jangka aku elaun tambah penyampau RM 400 deka dipadah maia kempen ke sekali tu).

5. Lalu kebuah ke penudi tauka kebuah ke besai sekalinya bala tuai rumah di N25-Balai Ringin di asoh Snowdan Lawan datai enggau nembiak sida lalu enti sida enda ngenatai ke diri dia sida iya deka diukum. Ingat tuai rumah maia ke diatu nya dipilih perintah BN. Barang sapa tuai rumah ti enda nyukong tuai rumah lalu deka dibuai..Lojik sejkali laban tuai rumah tu bis elaun diberi perintah..enti ngelaban dikena ke tindakan tatertib termasuk dibuai nyadi tuai rumah. Nya alai tuai rumah diatu ukai "to Serve their people" but "to Serve BN's leaders".;
    
Kati Bisi Peluang bala PR, SNAP  enggau bala parti Bebas Menang

Mesti bisi peluang menang magang. Enti nemu diri enda oleh menang kapa ka bediri. Ukainya baka ke nadai bebayar. Tang enda mega aku nyangkung pengawa sida ti deka bediri tu laban ti deka minta beli oleh pengari BN baka ke nyadi ngagai siko indu ti bediri di sitak tu ditu dalam tun 2006 tang "half-way" bekempen tak lalu badu laban ti udah dibeli orang. Ti deka nemu enggau silik tau nanya TR Bidi tauka ngusung blog Rajahmas.

Lalu enggau aku ngujung ke jako aku ke sekalitu, sekali agi aku ngingat lalu minta tolong ngagai bala maioh awak ke nyonteng pengari SNAP ianya Robert Dan Giang. Enti deka nemu enggau silik agi nama kebuah pengundi di sitak N25-Balai Ringin mesti ngundi pengari SNAP ianya Robert Dan ak Giang , kita tau klik ditui.

Mupok Aku

Thursday 7 April 2011

Robert Dan Giang Bejanji Deka Ngubah Pengidup Orang Pesisir Di Menua N25-Balai Ringin

Kuching
Thursday, 7 April 2011



Robert Dan anak Giang : Pilih meh iya nyadi pengari kita ke sekali tu!


Baka ke udah disadang, Robert Dan Giang udah dipilih bediri di sitak menua N25-Balai Ringin ngari ke parti SNAP. Awak ke bisi ditemu bala pengundi di N25-Balai Ringin, parti SNAP tu endang parti keterubah ditumbuh ke kitai Iban lalu masuk pengawa politik menua Sarawak. Lalu pia mega ari parti tu meh kitai Iban oleh nyadi Kepala Menteri Sarawak ti keterubah ianya Datuk Stephen Kalong Ningkan. Nya alai anang beciping ati kita ngundi pengari Parti SNAP. 
Lalu keterubah tu deka nerang ke pasal pengari kitai tu ianya Robert Dan Giang. Robert Dan tu siko kitai Iban ti megai pengawa bisnis kelebih agi ia ke besangkut enggau pengawa pun sabun. Maia bepilih tu, Robert Dan deka belaban enggau 5 pengari ari parti PKR, Bebas, PERSB, BN, PCM enggau BN.
Ari pasal pemandai pelajar sida ke bediri ditu, Robert Dan endang di muaenti dibanding ke enggau sida ke bukai, lalu iatu bisi ngembuan Master Degree.
Ari asal pendiau,  Robert Dan tu asal menua iya ti keterubahnya di Isu Pantu, lalu iya mega maia Primary School besekula di SRK Pantu, sebedau ke nyambung sekula iya di Sekolah Menengah Sultan Abdul Azis Shah (SAAS) Kajang, udahnya iya lalu nyambung pelajar iya di UPM.
Laban ke datai  ari menua Pantu ianya menua pesisir serta mega siti tempat ti pemadu nadai maju di Sarawak, dia Robert Dan dalam pengawa bepilih sekali tu, bejanji enti iya menang dia iya deka ngubah pengidup orang pesisir di menua N25 Balai Ringin  ngena jalai betanam betupi pun sabun. Laban menua N25 Balai Ringin endang kaya ari penatai tanah, pengawa nanam pun sabun endang dipelaba ke oleh ngubah pengidup orang pesisir di menua tu.
Lalu sebedau aku ngujung ke jako aku baka ke sekali tu, aku sekali agi minta bala ti diau di menua dalam genturung N25-balai Ringin meri sukong ngagai Robert Dan anak Giang, ianya pengari ari Parti SNAP. Aram kita sama-sama ngingat ke pasal menua kitai tu udah dipegai perintah BN nyau deka semak 50 tahun, tang lalu nadai bisi pemansang.
Pia mega enggai enda meri pengingat ngagai semua pasal pengari BN ti betanding sekali tu ianya Snowdan lawan. Snowdan Lawan enti semua kita agi ingat maia  pengawa ngundi tun 2006, iaitu nyadi  pengari laban ti dipilih Taib lalu ukai Jemut Masing. Pia mega aku deka nanya semua orang ke diau di menua N25-Balai Ringin , ngelama ke nyadi wakil rakyat di N25-balai Ringin, nama pemansang ke dibai Snowdan?
Lalu enggau aku nutup jako aku ke sekali tu, aku ngarap ke kitai bala di N25-Balai Ringin oleh ngundi ROBERT DAN ANAK GIANG nyadi pengari kitai ke sekali tu.

Mupok Aku

Remaung6Renjer

Agi Idup Agi Ngelaban

Wednesday 6 April 2011

SNAPN25BALAIRINGIN KENA HACK

Kuching
Wednesday, 6th March 2011

Kelebih agi minta ampun ngagai bala menyadi ari Parti PKR enti bisi tebaca ke posting benama Papa Jahat ti endang deka dikena ngenyai ketuai PKR Pusat Datuk Seri Anwar Ibrahim enggau Saudara Baru Bian.
Snapn25balairingin blogspot benong investigate sapa ti ngereja penyai nya.
Kami pecaya pengawanya dikereja bala Cyber Trooper BN. Pia mega pengawa ke sama nyadi ngagai www.Bukittunggal.com.
Lalu ngagai bala pemaca ti deka maca berita ngernang  penyai BN tau ngusung weblog Bukittunggal ngena address http://remaung6renjer.blogspot.com/

Terima Kasih semua laban ti agi meri sukong ngagai blogspot SNAPN25BALAIRINGIN tu.

Monday 21 March 2011

Email Address SNAP-N25BALAIRINGIN

Ngagai bala ti bisi utai deka dipadah tauka dikongsi enggau SNAP-N25BALAIRINGIN.BLOGSPOT.COM tau nganjung iya ngagai email address dibaroh :

SNAPN25BALAIRINGIN@GMAIL.COM


Terima Kasih

Thursday 17 March 2011

Jako Pemadah: Pengada Blog SNAP -N25 Balai Ringin

Kuching
Thursday, 17th March 2011

PENGADA BLOG SNAP N25 BALAI RINGIN

Selamat datai serta selamat bekelala ngagai bala pemaca ti bisi ngenatai ke diri ngagai blog tu. Nyadi enggau pengada blog SNAP-N25 Balai Ringin tu nya nanda ke dua iti utai ti besai reti nyadi ba kandang menua kena pegai N25- Balai Ringin.
Nyadi berita manah ke terubah nyadi di N25-Balai Ringin nya nyadi maia 14 Mac 2011 leboh maia Dan anak Giang, ianya siko anak tulin menua Pantu di dalam genturung N25-Balai Ringin ti udah dipadu lalu dipadah ke oleh tuai parti Sarawak National Party (SNAP)  Edwin Dundang deka nyadi pengari parti SNAP leboh maia pengawa bepilih kunsil negeri menua Sarawak ti deka datai tu.
Lalu  berita kedua ti nyadi di N25-Balai Ringin nya pasal pengada Blog SNAP-N25BalaiRingin ke nyadi saritu, ianya kena 17 Mac 2011.
Nyadi baka blog tu deka mai berita ngagai bala orang di seluruh dunia kelebih agi bala pengundi di N25-balai Ringin  pasal berita ti bisi nyadi di genturung N25-Balai Ringin.
Enti bala pemaca bisi deka bekongsi berita pasal nama utai ti nyadi di menua tu, tau nganjung e-mail ngagai kami di blog tu ngena email address tu : snapn25balairingin@gmail.com
Sebedau kitai betemu baru, sekali agi meri terima kasih ngagai bala pemaca serta penyokong ti bisi ngenatai ke diri ditu.

Terima Kasih